Yuxarı

Nazir Zakir Həsənov cəbhə bölgəsində döyüş hazırlığını yoxlayır

Cəbhənin ön xəttində yerləşən artilleriya təlim mərkəzində olan Müdafiə naziri taktiki məşqləri hazırlığını yoxlayıb

Bakı. 25 noyabr. REPORT.AZ/Müdafiə naziri general-polkovnik Zakir Həsənov və Müdafiə nazirinin birinci müavini, Silahlı Qüvvələrin Baş Qərargah rəisi general-polkovnik Nəcməddin Sadıkov noyabrın 25-də cəbhə bölgəsində yerləşən hərbi hissə və birləşmələrdə olublar.

"Report" Müdafiə Nazirliyinin saytına istinadən xəbər verir ki, nazirliyinin rəhbərliyi Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin tapşırığına əsasən noyabrın döyüş hazırlığının yoxlanılması məqsədilə cəbhə bölgəsində olublar.

Cəbhənin ön xəttində yerləşən ümumqoşun və artilleriya təlim mərkəzində olan Müdafiə naziri taktiki məşqləri və kəşfiyyat bölmələrinin hazırlığını yoxlayıb.

Raket və artilleriya qoşunlarının hərbi hissəsində olan nazirliyin rəhbərliyi vəziyyətlə yerində tanış olaraq onların döyüş hazırlığı, hərbi texnikanın döyüş imkanları, qərargahlar tərəfindən tapşırıqların icrası, həmçinin hərbi hissələrin idarəetmə fəaliyyəti və şəxsi heyətin sosial-məişət şəraiti ilə maraqlanıblar.

Sonra raket və artilleriya birləşmələri Müdafiə naziri tərəfindən göstərilən tapşırıqların yerinə yetirilməsi məqsədilə real döyüş səraitinə uyğun olaraq atışlar icra ediblər.

Müxtəlif artilleriya vasitələrindən döyüş tətbiqi icra olunub, həmçinin yeni alınan minaatan və ağır odatan sistemlərdən (AOS-1A), hazır olan və əvvəlcədən hazır olmayan mövqelərdən döyüş atışları həyata keçirilib.

Müdafiə nazirliyinin rəhbərliyi tərəfindən cəbhə bölgəsində yerləşən hərbi hissə və birləşmələrin döyüş fəaliyyətlərinin inspeksiya yoxlanılması davam edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi