Yuxarı
    Bağlamaq

    Müdafiə Nazirliyinin mütəxəssisləri ilə ​NATO/ABŞ Ekspert Qrupu arasında növbəti işçi görüşü başlayıb

    Görüşdə hərbi təhsil sahəsində NATO ilə əməkdaşlığın perspektivlərinin müzakirə olunması planlaşdırılır

    Bakı. 2 mart. REPORT.AZ/ Bu gün Azərbaycan Silahlı Qüvvələrinin Hərbi Akademiyasında Hərbi Təhsil Sisteminin müəyyən sahələrinin inkişafına yardım üzrə NATO/ABŞ Ekspert Qrupu ilə Müdafiə Nazirliyinin mütəxəssisləri arasında növbəti işçi görüşü başlayıb.

    "Report" nazirliyə istinadən xəbər verir ki, tədbirdə NATO-nun Beynəlxalq Qərargahının Siyasi Məsələlər və Təhlükəsizlik Siyasəti İdarəsinin nümayəndələri, Müdafiə Nazirliyi tərəfindən Silahlı Qüvvələrin Hərbi Akademiyasının rəisi general-leytenant Heydər Piriyev başda olmaqla nazirliyin müxtəlif idarələrinin və xüsusi təyinatlı hərbi təhsil müəssisələrinin zabitləri iştirak edirlər.

    Görüşdə hərbi təhsil sahəsində NATO ilə əməkdaşlığın perspektivlərinin müzakirə olunması planlaşdırılır. NATO nümayəndə heyətinin üzvləri Hərbi Akademiyanın dinləyiciləri qarşısında mühazirələrlə çıxış edəcəklər.

    İşçi görüşü martın 4-dək davam edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi