Müdafiə Nazirliyi: Polkovnik Yaqub Əhədov xidməti fəaliyyətində yol verdiyi nöqsanlara görə tutduğu vəzifədən kənarlaşdırılıb

Bakı. 29 mart. REPORT.AZ/ Azərbaycan Müdafiə Nazirliyinin Silah və Texnika İdarəsinin rəisi, polkovnik Yaqub Əhədov vəzifəsindən kənarlaşdırılıb.

Bu barədə "Report"un sorğusuna cavab olaraq, nazirliyin mətbuat xidmətindən məlumat verilib.

"Yaqub Əhədov xidməti fəaliyyətində yol verdiyi nöqsanlara görə vəzifəsindən kənarlaşdırılıb", - nazirlikdən bildirilib.