Müdafiə naziri: "Azərbaycan Rusiyadan silah tədarükünü artıra bilər"

Bakı. 13 iyul. REPORT.AZ/ "Azərbaycan Rusiyadan əlavə silah alışını nəzərdən keçirir, məlumat toplayır, sınaqlar keçirir."

"Report" xəbər verir ki, bu barədə RİA "Novosti"yə müsahibəsində Azərbaycanın müdafiə naziri, general-polkovnik Zakir Həsənov bildirib.

"Biz indi bəzi silah nümunələrini öyrənirik, əldə edib sınaqdan keçiririk. Silah alışı çoxşaxəli məsələdir. Bir tərəfdən, şablondan qaçmaq lazımdır, digər tərəfdən, müxtəliflik əlavə xidmət problemi yaradır. Bu, çox çətin məsələdir", - Z.Həsənov vurğulayıb.