Yuxarı
    Bağlamaq

    Meksika səfiri Zakir Həsənovla görüşüb

    Tərəflər arasında hərbi, terrorizm və narkotrafik ilə mübarizə sahələrində əməkdaşlığı müzakirə olunub

    Bakı. 3 mart. REPORT.AZ/ Meksikanın Azərbaycandakı səfiri Rodriqo Labardini ilə Azərbaycan müdafiə naziri Zakir Həsənov arasında görüş keçirilib.

    Meksikanın Azərbaycandakı səfirliyindən “Report”a verilən məlumata görə, görüşdə hazırkı regional və beynəlxalq vəziyyətlə bağlı fikir mübadiləsi aparıldı.

    Nazir Ermənistan-Azərbaycan Dağlıq-Qarabağ münaqişəsi və onun həlli prosesindəki durum barədə qonağa məlumat verib.

    Səfir Labardini, öz növbəsində, Meksika ilə Azərbaycan arasında ikitərəfli əlaqələrdən söz açıb, mümkün əməkdaşlıq sahələrini qeyd etdi. Adıçəkilən sahələr sırasında hərbi, hərbi təhsil, terrorizm və narkotrafik ilə mübarizə sahələri yer tutur. Bundan əlavə, hər iki ölkə arasında ikitərəfli əməkdaşlığın genişləndirilməsi məqsədilə qarşılıqlı səfərlərin həyata keçirilməsi vacibliyi vurğulanıb.

    Görüşün sonunda təfərlər hərbi sahədə münasibətlərin gələcək inkişafı və güclənməsinə dair arzularını ifadə etdilər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi