Yuxarı

Kubanda azərbaycanlı əsgərin cəsədinin qalıqları yenidən dəfn edilib

Kubanda azərbaycanlı əsgərin cəsədinin qalıqları yenidən dəfn edilib
Əsgər Əbdül Orucəliyev 1943-cü ildə Neşadimovski xutorunun müdafiəsi zamanı həlak olub

Bakı. 3 iyul. REPORT.AZ/ Kubanda İkinci Dünya müharibəsi zamanı faşistlərə qarşı döyüşən azərbaycanlı əsgər Əbdül Orucəliyevin cəsədinin qalıqları yenidən dəfn olunub.

"Report" xəbər verir ki, azərbaycanlı əsgər 1943-cü ildə Neşadimovski xutorunun müdafiəsi zamanı həlak olub.

Məlumata görə, əsgərin ölümündən sonra onu yerli sakinlər dəfn edib, lakin əsgərdə heç bir sənəd olmadığından baş daşında ad yazılmayıb.

Bu il "Kuban xətti" axtarış qrupunun üzvləri həlak olmuş əsgərin kimliyini müəyyənləşdirib. Onun xutor qəbiristanlığında qardaşlıq məzarlığında dəfn edilməsinə qərar verilib.

Dəfn mərasimi zamanı silahla hərbi salam verilib.

Azərbaycana Əbdül Orucəliyevin dəfni ilə bağlı məlumat göndərilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi