Yuxarı

Hərbi Tibb Fakültəsində təlim-metodiki toplantı keçirilib

Hərbi Tibb Fakültəsində təlim-metodiki toplantı keçirilib

Bakı. 12 iyul. REPORT.AZ/ Bu gün Hərbi Tibb Fakültəsində Müdafiə Nazirliyi Tibb Baş İdarəsinin zabitləri, hərbi hissə və müəssisələrin komandir-rəis heyəti, birliklərin tibb xidməti rəislərinin iştirakı ilə 2018-ci tədris ilinin birinci dövrünün yekunlarına həsr olunmuş təlim-metodiki toplantı keçirilib.

Müdafiə Nazirliyinin Mətbuat xidmətindən "Report"a verilən məlumata görə, ümummilli lider Heydər Əliyevin, Azərbaycanın ərazi bütövlüyü və müstəqilliyi uğrunda şəhid olan Vətən övladlarının xatirəsi bir dəqiqəlik sükutla yad edilib, Azərbaycan Respublikasının Dövlət himni səsləndirilib.

Tədbiri Tibb Baş İdarəsinin rəisi, general-mayor Natiq Əliyev açaraq 2018-ci ilin hazırlıq planında qış tədris dövrü üçün şəxsi heyətin tibbi təminatına aid nəzərdə tutulmuş tapşırıqların bütövlükdə yerinə yetirildiyini, tibbi hərbi hissə və müəssisələrin müasir diaqnostik cihazlarla komplektləşdirilərək xəstələrin tam müayinə olunmasına imkan yaratmasını və bir sıra digər məsələləri diqqətə çatdırıb. Sonra 2018-ci tədris ilinin birinci dövründə müalicə-profilaktika işinin vəziyyəti, bu sahədə görülən işlər və həyata keçirilən profilaktiki tədbirlərin nəticələri barədə məruzələr dinlənilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi