Yuxarı

Hərbi hissədə məktəblilərin iştirakı ilə tədbir keçirilib

Hərbi hissədə məktəblilərin iştirakı ilə tədbir keçirilib
​Məktəblilərin iştirakı ilə hərbi hissədə tədbir keçirilib

Bakı. 22 oktyabr. REPORT.AZ/ Xocavənd rayon orta ümumtəhsil məktəblərinin yuxarı sinif şagirdlərinin iştirakı ilə hərbi hissədə tədbir keçirilib.

Müdafiə Nazirliyindən "Report"a verilən məlumata görə, tədbir xalqımızın ümummilli lideri Heydər Əliyevin və torpaqlarımızın azadlığı uğrunda şəhid olmuş soydaşlarımızın əziz xatirələrinin bir dəqiqəlik sükutla yad edilməsi ilə başlayıb.

Qonaqlara hərbi hissənin yaranması tarixi, döyüş yolu və fəaliyyəti ilə bağlı məlumat verilib, arsenaldakı silah-sursatlar nümayiş etdirilib.

Şagirdlər hərbi hissənin ərazisi, əsgər yataqxanası, tibb məntəqəsi, idman şəhərciyi, hamam-camaşırxana və əsgər yeməkxanası ilə tanış olub, hərbi qulluqçularla birgə nahar ediblər. Tədbir Xocavənd rayon Mədəniyyət evinin incəsənət ustalarının və hərbi hissənin özfəaliyyət dərnəyinin ifasında vətənpərvərlik mövzusunda konsert proqramı ilə davam edib.

Qonaqlar təşkil olunmuş tədbirə görə Müdafiə Nazirliyinin rəhbərliyinə öz minnətdarlıqlarını bildiriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi