Yuxarı

Hava Hücumundan Müdafiə Qoşunlarının döyüş atışlı təlimləri keçirilib - FOTOLAR

Qrup halında uçan hədəflər raket zərbələri ilə dərhal məhv edilib

Bakı. 7 yanvar. REPORT.AZ/ Bu gün Silahlı Qüvvələrin yeni tədris ilinə hazırlığının yoxlanılması məqsədilə müdafiə naziri general-polkovnik Zakir Həsənovun əmrinə əsasən, Hərbi Hava Qüvvələri və Hava Hücumundan Müdafiə Qoşunlarının qüvvə və vasitələri qəfil həyacan siqnalı ilə döyüş hazırlığı vəziyyətinə gətirilib. "Report" xəbər verir ki, bu barədə nazirliyin mətbuat xidmətinin yaydığı məlumatda bildirilir.

Hava Hücumundan Müdafiə Qoşunları tərəfindən döyüş tapşırığının yerinə yetirilməsi təlim mərkəzində "Osa" 9A33BM-3 zenit-raket komplekslərinin istifadəsi ilə həyata keçirilib.

Təlimin ssenarisinə əsasən, hava məkanını pozan şərti düşmən aşkarlanaraq izlənməyə götürülüb və təlim-döyüş tapşırığının yerinə yetirilməsi zamanı kiçik həcmli, aşağı yüksəklikdə, qrup halında uçan hədəflər raket zərbələri ilə dərhal məhv edilib.

Təlimlərdə qarşıya qoyulan vəzifə və tapşırıqlar müvəffəqiyyətlə yerinə yetirilib, şəxsi heyətin döyüş hazırlığı, bacarığı və qarşılıqlı fəaliyyəti Müdafiə Nazirliyinin rəhbərliyi tərəfindən yüksək qiymətləndirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi