Bakıda “Çoxmillətli Sülhü Dəstəkləmə Əməliyyatları üzrə təlimatçı hazırlığı kursu” keçirilib - VİDEO

Azərbaycan Respublikası və Böyük Britaniya və Şimali İrlandiya Birləşmiş Krallığının müdafiə nazirlikləri arasında imzalanmış hərbi əməkdaşlıq planına əsasən, Bakıda “Çoxmillətli Sülhü Dəstəkləmə Əməliyyatları üzrə təlimatçı hazırlığı kursu” keçirilib.

Bu barədə "Report"a Azərbaycan Müdafiə Nazirliyi Mətbuat xidmətindən məlumat verilib.

Britaniya Hərbi Məsləhətçi Təlim Qrupu tərəfindən təşkil edilən praktiki məşğələlərdə Azərbaycan Ordusunun hərbi qulluqçuları bilik və bacarıqlarını təkmilləşdiriblər.

Kursda iştirak etmiş hərbi qulluqçulara sertifikatlar təqdim olunub.