Yuxarı
    Bağlamaq

    Cocuq Mərcanlı kəndində piyada və tank əleyhinə mina aşkarlanıb

    ANAMA Cəbrayıl rayonunun Cocuq Mərcanlı kəndində mayın 4-də aparılan təmizləmə əməliyyatları barədə məlumat yayıb

    Bakı. 4 may. REPORT.AZ/ Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) tərəfindən Cəbrayıl rayonunun Cocuq Mərcanlı kəndində mayın 4-də aparılan təmizləmə əməliyyatları barədə məlumat yayıb.

    Agentlikdən "Report"a verilən məlumata görə, gün ərzində Cocuq Mərcanlı kəndində 1 341 ədəd qəlpə, 1 ədəd piyada əleyhinə OZM-72 minası və 1 ədəd tank əleyhinə TM-57 minasının partladıcısı (MVZ-57) aşkar edilərək zərərsizləşdirilməsi üçün götürülüb, nəticə etibarilə 22 429 kv.m ərazi (2 179 kv.m əl ilə, 12 200 kv.m mexaniki üsulla və 8 050 kv.m minaaxtaran itlərin dəstəyi ilə) yoxlanılıb.

    Cəbrayıl rayonunun Cocuq Mərcanlı kəndində 76 gün ərzində151 ev və yeni avtomobil yolunun keçəcəyi əraziyə baxış keçirilib, 40 ədəd partlamamış hərbi sursat (4 ədəd 82 mm-lik minaatan mərmi (OF-832), 2 ədəd 120 mm-lik minaatan mərmi (OF-843), 2 ədəd 93 mm-lik tank əleyhinə idarə olunmayan PQ-7VL raketi, 10 ədəd 70 mm-lik tank əleyhinə idarə olunmayan PQ-7VM raketi, 4 ədəd PQ-7 raketinin partlamamış mühərrik hissəsi, 1 ədəd F-1 əl qumbarası, 1 ədəd RQD-5 əl qumbarası, 4 ədəd 23 mm-lik zenit top mərmisi (OFZT), 1 ədəd 100 mm-lik top mərmisi (OF-412), 8 ədəd TM-62P3 minasının gücləndiricisi, 1 ədəd TM-57 minasının gücləndiricisi, 1 ədəd 122 mm-lik top mərmisi (Ş-1) və 1 ədəd Ş-1 top mərmisinin DTM-75 döyüş başlığı), 9 ədəd piyada əleyhinə mina (OZM-72) və 72 ədəd tank əleyhinə mina (21 ədəd TM-57 minası və 51 ədəd TM-57 minasının partladıcısı (MVZ-57)) aşkar olunaraq zərərsizləşdirilib, 2 614 611 kv.m ərazi (516 572 kv.m əl ilə, 785 900 kv.m mexaniki üsulla, 113 000 kv.m SENSYS dərinlik ölçən cihazı və 1 199 139 kv.m minaaxtaran itlərin dəstəyi ilə) yoxlanılıb.

    Ümumilikdə ANAMA tərəfindən bu il yanvarın 1-dən mayın 4-dək Ağdam, Ağcabədi, Ağstafa, Füzuli, Şamaxı, Xızı, Beyləqan, Bərdə, Hacıqabul, Tovuz, Qazax, Yevlax, Daşkəsən, Salyan, Göygöl, Lənkəran və Cəbrayıl rayonları, Bakı, Lənkəran, Gəncə, Şirvan və Tərtər şəhərlərində 9 otlaq sahəsinə, 9 əkin sahəsinə, 1 hərbi hissənin yaxınlığına, 160 ev və həyətyanı sahəyə, 1 kənd orta məktəbinin həyətinə, bankın zirzəmisinə, su arxına, suvarma və drenaj kanalının ətrafına, dəniz və çay sahilinə, yol kənarına, yeni avtomobil yolunun çəkiləcəyi əraziyə, avtobaza ərazisinə, körpü ərazisinə, istirahət mərkəzinə, qəbirstanlığa, yaşayış binasının yaxınlığına baxış keçirilib, 5 618 ədəd partlamamış hərbi sursat, 114 ədəd tank əleyhinə mina və 13 ədəd piyada əleyhinə mina aşkar olunaraq zərərsizləşdirilib, 2 677 585 kv.m ərazi (579 546 kv.m əl ilə, 785 900 kv.m mexaniki üsulla, 113 000 kv.m SENSYS dərinlik ölçən cihazı və 1 199 139 kv.m minaaxtaran itlərin dəstəyi ilə) yoxlanılıb.

    Hazırda ərazinin mina və partlamamış hərbi sursatlardan təmizlənməsi əməliyyatı davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi