Yuxarı
    Bağlamaq

    ​Cəmşid Naxçıvanskinin 120 illik yubileyinə həsr olunan tədbir keçirilib

    Hərbi xadim haqda çəkilən sənədli filmi nümayiş etdirilib

    Bakı. 1 oktyabr. REPORT.AZ/ Cəmşid Naxçıvanski adına Hərbi Liseydə tanınmış hərb xadimi Cəmşid Naxçıvanskinin 120 illik yubileyinə həsr olunmuş növbəti tədbir keçirilib.

    Müdafiə Nazirliyinin mətbuat xidmətindən "Report"a verilən məlumata görə, əvvəlcə ümummilli lider Heydər Əliyevin və Azərbaycanın azadlığı uğrunda şəhid olanların xatirəsi bir dəqiqəlik sükutla yad edilərək dövlət himni səsləndirilib.

    Liseyin zabiti polkovnik Rəhim Səmədov, Hərb Tarixi muzeyinin əməkdaşı Nuru Məmmədov, tarix elmləri üzrə fəlsəfə doktoru Mahir Qəribov Cəmşid Naxçıvanskinin həyat və fəaliyyətindən danışaraq onun nümunəvi xidmətindən bəhs ediblər.

    Kursantların ifasında ədəbi-bədii hissənin təqdimatından sonra görkəmli C.Naxçıvanski haqda çəkilmiş sənədli filmin nümayişi olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi