Yuxarı

Böyük Britaniya Azərbaycana yeni hərbi attaşe təyin edib

Böyük Britaniya Azərbaycana yeni hərbi attaşe təyin edib
Polkovnik-leytenant Deyvid Ethelli müdafi naziri Zakir Həsənova təqdim olunub

Bakı. 22 noyabr. REPORT.AZ/ Böyük Britaniya Azərbaycana yeni hərbi attaşe təyin edib. 

Bu barədə "Report"a Azərbaycanın Müdafiə Nazirliyinin mətbuat xidmətindən məlumat verilib.

Nazirlikdən bildirilib ki, müdafiə naziri general-polkovnik Zakir Həsənov noyabrın 22-də Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Kerol Meri Krofts ilə görüşüb.

Britaniyalı diplomat ölkəsinin Azərbaycanda yeni təyin olunan hərbi attaşesi polkovnik-leytenant Deyvid Ethelli nazirə təqdim edib.

Hərbi attaşeni Azərbaycanda hərbi-diplomatik missiyasına başlaması münasibətilə təbrik edən müdafiə naziri Z.Həsənov ona iki ölkənin Silahlı Qüvvələri arasında əlaqələrin genişləndirilməsi istiqamətində gələcək fəaliyyətində uğurlar arzulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi