Yuxarı

Azərbaycanın müdafiə naziri ABŞ müdafiə katibinə başsağlığı verib

Azərbaycanın müdafiə naziri ABŞ müdafiə katibinə başsağlığı verib
Zakir Həsənov KC-130 təyyarəsinin qəzası nəticəsində çoxlu sayda hərbi qulluqçunun həlak olması ilə bağlı kədərini bildirib
Azərbaycan müdafiə naziri, general- polkovnik Zakir Həsənov

Bakı. 11 iyul. REPORT.AZ/ Azərbaycan Respublikasının müdafiə naziri general-polkovnik Zakir Həsənov Missisipi ştatının Leflor əyalətində Dəniz Piyadaları Korpusuna məxsus KC-130 təyyarəsinin qəzası nəticəsində çoxlu sayda hərbi qulluqçunun həlak olması ilə bağlı Amerika Birləşmiş Ştatlarının müdafiə katibi Ceyms Mattisə başsağlığı ünvanlayıb.

"Report" Müdafiə Nazirliyinin mətbuat xidmətinə istinadən xəbər verir ki, başsağlığında bildirilir: “Missisipi ştatının Leflor əyalətində Dəniz Piyadaları Korpusuna məxsus KC-130 təyyarəsinin qəzası nəticəsində çoxlu sayda hərbi qulluqçunun həlak olması haqqında xəbər məni dərindən sarsıtdı.

Biz bu faciəli hadisədən çox kədərlənirik. Həlak olanlara rəhmət diləyir, onların yaxınlarının dərdlərinə şərik olur, ailələrinə dərin hüznlə başsağlığı verirəm.

Allah rəhmət eləsin.”

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi