Azərbaycan ordusunun raket və artilleriya birləşmələri praktiki atışlar icra edib - VİDEO

Bakı. 13 iyun. REPORT.AZ/ Qoşunların bu il üçün döyüş hazırlığı planına uyğun olaraq, raket və artilleriya birləşmələri 122 mm-lik yaylım atəşli reaktiv sistemləri və 152-mm toplardan döyüş atışlı məşqlər keçirib.

Müdafiə Nazirliyindən "Report"a verilən məlumata görə, təlim məşqlərində praktiki döyüş atışlarının yüksək dəqiqliyini və intensivliyini təmin etmək məqsədilə müasir avtomatlaşdırılmış idarəetmə sistemlərindən istifadə edilib.

Müəyyən edilmiş şərti düşmən hədəflərini məhv edən şəxsi heyətin hazırlığı, ustalığı və bacarığı komandanlıq tərəfindən yüksək qiymətləndirilib.