Yuxarı

Azərbaycan Ordusunda yeni tədris dövrü başlayıb

Azərbaycan Ordusunda yeni tədris dövrü başlayıb

Bakı. 30 iyul. REPORT.AZ/ Azərbaycan Ordusunun birlik, birləşmə, həmçinin qoşun növləri və qisimlərinin hərbi hissələrində yeni tədris dövrü başlayıb. 

Müdafiə Nazirliyindən "Report"a verilən məlumata görə, bütün hərbi hissələrdə keçirilən yığıncaqlarda tədris dövrünün əsas məqsəd və vəzifələri, eləcə də onların icra qaydaları şəxsi heyətə çatdırılıb.

Yeni tədris dövrünün başlanması ilə əlaqədar təşkil olunmuş tədbirlərdə Müdafiə nazirinin əmr və tələbləri, tədris proqramları, silah və texnikanın effektiv istifadəsi, təhlükəsizlik qaydalarına riayət olunmasının əsas vəzifə və tapşırıqları, həmçinin bütövlükdə tədris prosesinin düzgün təşkili üzrə digər məsələlər şəxsi heyətə çatdırılıb.

Dərslərin ilk günü eyni zamanda şəxsi heyətin həyəcan siqnalı üzrə davranışı, döyüş heyətlərinin dəqiqləşdirilməsi, eləcə də şəxsi heyətin sutkanın gecə və gündüz vaxtlarında bölmələr tərkibində məşqləri ilə başlayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi