​Azərbaycan Müdafiə Nazirliyində idarə rəisi təyinatı olunub

Bakı. 9 sentyabr. REPORT.AZ/ Azərbaycan Müdafiə Nazirliyində (MN) kadr təyinatı olub. “Report”un xəbərinə görə, polkovnik İlqar Məmmədov MN-in İşlər İdarəsinin rəisi vəzifəsinə təyin edilib.

İ.Məmmədov bu vəzifəyə qədər nazirliyin İşlər İdarəsində rəis müavini vəzifəsində çalışıb.

Qeyd edək ki, İşlər İdarəsinin əvvəlki rəisi, polkovnik Azad Əsədov xəstəliyi ilə əlaqədar öz xahişi ilə vəzifəsindən azad edilib. O, sentyabrın 8-də dünyasını dəyişib.