Arzu Rəhimov “Vətənə xidmətə görə” ordeni ilə təltif olunub

Bakı. 12 fevral. REPORT.AZ/ Arzu Rəhimov 2-ci dərəcəli “Vətənə xidmətə görə” ordeni ilə təltif edilib.

“Report”un xəbərinə görə, bununla bağlı Prezident İlham Əliyev sərəncam imzalayıb.

Sərəncama əsasən, Azərbaycan dövlətçiliyinə sadiqlik göstərərək vəzifə borcunu ləyaqətlə və yüksək peşəkarlıqla yerinə yetirdiyinə görə Arzu Yusif oğlu Rəhimov 2-ci dərəcəli “Vətənə xidmətə görə” ordeni ilə təltif edilib.

Qeyd edək ki, A.Rəhimov Səfərbərlik və Hərbi Xidmətə Çağırış üzrə Dövlət Xidmətinin rəisidir.