Yuxarı

ANAMA Cocuq Mərcanlı kəndinin hərbi sursatlardan təmizlənmə əməliyyatlarını davam etdirir

ANAMA Cocuq Mərcanlı kəndinin hərbi sursatlardan təmizlənmə əməliyyatlarını davam etdirir
Agentlik Cocuq Mərcanlıda gün ərzində 4 evə baxış keçirib

Bakı. 16 fevral. REPORT.AZ/ Cəbrayıl rayonunun Cocuq Mərcanlı kəndində gün ərzində 4 evə baxış keçirilib, partlamamış hərbi sursat aşkar edilməyib.

Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyindən (ANAMA) "Report"a məlumat verilib.

Bildirilib ki, ANAMA tərəfindən nəticə olaraq 6 800 kv.m ərazi (3 900 kv.m ərazi əl ilə və 12 900 kv.m ərazi mexaniki üsulla) yoxlanılıb.

Son 14 gün ərzində Cocuq Mərcanlı kəndində 23 evə baxış keçirilib, 5 ədəd partlamamış hərbi sursat (3 ədəd 82 mm-lik minaatan mərmisi (OF-832) və 2 ədəd 120 mm-lik minaatan mərmisi (OF-843)) aşkar olunaraq zərərsizləşdirilib, 102 266 kv.m ərazi (39 766 kv.m ərazi əl ilə və 62 500 kv.m ərazi mexaniki üsulla) yoxlanılıb.

Ərazinin mina və partlamamış hərbi sursatlardan təmizlənməsi əməliyyatı davam etdirilir.

Ümumiyyətlə, ANAMA tərəfindən yanvarın 1-dən 16-dək Ağdam, Ağstafa, Füzuli, Şamaxı, Xızı, Beyləqan, Tovuz, Lənkəran və Cəbrayıl rayonları, Lənkəran, Gəncə, Şirvan və Tərtər şəhərlərində 3 otlaq sahəsinə, 1 əkin sahəsinə, 1 hərbi hissənin yaxınlığına, 26 ev və həyatyanı sahəyə, su arxına, dəniz və yol kənarına, avtobaza ərazisinə, körpü ərazisinə, istirahət mərkəzinə, yaşayış binasının yaxınlığına baxış keçirilib, 1 521 ədəd partlamamış hərbi sursat, 34 ədəd tank əleyhinə mina və 2 ədəd piyada əleyhinə mina aşkar olunaraq zərərsizləşdirilib, 131 260 kv.m ərazi (68 760 kv.m ərazi əl ilə və 62 500 kv.m ərazi mexaniki üsulla) yoxlanılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi