Yuxarı
    Bağlamaq

    ANAMA Cocuq Mərcanlı kəndində aparılan təmizləmə əməliyyatları barədə məlumat yayıb

    On iki gündə kənddə 17 evə baxış keçirilib, 5 ədəd partlamamış hərbi sursat aşkar olunaraq zərərsizləşdirilib

    Bakı. 14 fevral. REPORT.AZ/ Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) tərəfindən Cəbrayıl rayonunun Cocuq Mərcanlı kəndində aparılan təmizləmə əməliyyatları barədə məlumat yayıb.

    ANAMA-dan "Report"a bildirilib ki, Cəbrayıl rayonunun Cocuq Mərcanlı kəndində gün ərzində 6 evə baxış keçirilib və partlamamış hərbi sursat aşkar edilməyib. Nəticədə 9000 kv.m ərazi (5 000 kv.m ərazi əl ilə və 4 000 kv.m ərazi mexaniki üsulla) yoxlanılıb.

    Ümumiyyətlə, 12 gün ərzində Cocuq Mərcanlı kəndində 17 evə baxış keçirilib, 5 ədəd partlamamış hərbi sursat (3 ədəd 82 mm-lik minaatan mərmisi (OF-832) və 2 ədəd 120 mm-lik minaatan mərmisi (OF-843)) aşkar olunaraq zərərsizləşdirilib, 71 066 kv.m ərazi (32 866 kv.m ərazi əl ilə və 38 200 kv.m ərazi mexaniki üsulla) yoxlanılıb.

    Hazırda ərazinin mina və partlamamış hərbi sursatlardan təmizlənməsi əməliyyatı davam etdirilir.

    Ümumilikdə ANAMA tərəfindən bu il yanvarın 1-dən fevralın 14-dək Ağdam, Ağstafa, Füzuli, Şamaxı, Xızı, Beyləqan, Tovuz, Lənkəran və Cəbrayıl rayonları, Lənkəran, Gəncə, Şirvan və Tərtər şəhərlərində 3 otlaq sahəsinə, 1 əkin sahəsinə, 1 hərbi hissənin yaxınlığına, 20 ev və həyatyanı sahəyə, su arxına, dəniz və yol kənarına, avtobaza ərazisinə, körpü ərazisinə, istirahət mərkəzinə, yaşayış binasının yaxınlığına baxış keçirilib, 1 521 ədəd partlamamış hərbi sursat, 34 ədəd tank əleyhinə mina və 2 ədəd piyada əleyhinə mina aşkar olunaraq zərərsizləşdirilib, 100 060 kv.m ərazi (61 860 kv.m ərazi əl ilə və 38 200 kv.m ərazi mexaniki üsulla) yoxlanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi