Yuxarı

Almaniyada Berlin uğrunda döyüşlərdə həlak olmuş azərbaycanlıların xatirəsi anılıb

Almaniyada Berlin uğrunda döyüşlərdə həlak olmuş azərbaycanlıların xatirəsi anılıb
Tədbirdə səfir Ramin Həsənov, səfirliyin əməkdaşları və hərbi attaşesi iştirak ediblər

Bakı. 9 may. REPORT.AZ/ Berlin şəhərində Böyük Vətən müharibəsində faşizm üzərində qələbənin 72-ci ildönümünə həsr olunmuş bayram tədbirləri keçirilib.

Azərbaycan Respublikasının AFR-dəki Səfirliyndən "Report"a verilən məlumata görə, tədbirlərdə Almaniya Federativ Respublikası hökumətinin, ölkədə akkreditə olunmuş diplomatik korpusun və kütləvi informasiya vasitələrinin nümayəndələri, eləcə də müharibə veteranları iştirak ediblər.

Mərasim iştirakçıları Berlin şəhəri uğrunda getmiş döyüşlərdə həlak olmuş azərbaycanlı əsgər və zabitlərin də dəfn olunduğu Treptov parkında Sovet əsgərlərinin şərəfinə ucaldılmış “Xilaskar əsgər” abidəsini və Tirqarten parkında dəfn edilmiş sovet əsgərlərinin məzarını ziyarət edərək əklillər qoyublar.

Azərbaycan Respublikasının AFR-dəki fövqəladə və səlahiyyətli səfiri Ramin Həsənov, səfirliyin əməkdaşları və hərbi attaşesi tədbirlərdə iştirak ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi