Yuxarı

​ABŞ komandanının Azərbaycana səfəri başlayıb

ABŞ nümayəndə heyətinin səfəri iyulun 16-dək davam edəcək

Bakı. 15 iyul. REPORT.AZ/ ABŞ-ın Oklahoma Ştatının Milli Qvardiyasının komandanı, general-leytenant Robi Aşerin rəhbərlik etdiyi nümayəndə heyətinin ölkəmizə işçi səfəri başlayıb.

Müdafiə Nazirliyindən "Report"a verilən məlumata görə, qonaqlar səfər çərçivəsində Silahlı Qüvvələrin Təlim Mərkəzində keçirilən "Mühəndis istehkam bölmələrinin fəaliyyəti" mövzusunda nümayiş etdirilən məşğələni izləyiblər.

Daha sonra ABŞ nümayəndə heyəti Müdafiə Naziriliyinin Beynəlxalq Hərbi Əməkdaşlıq İdarəsinin rəisi, general-mayor Hüseyn Mahmudovla görüşüb.

Görüş zamanı Azərbaycan Silahlı Qüvvələrinin ABŞ-ın Oklahoma Ştatının Milli Qvardiyası ilə Ştatla Tərəfdaşlıq Proqramı çərçivəsində cari il ərzində keçirilən tədbirlər və 2017-ci il üçün planlaşdırılan fəaliyyətlər barədə fikir mübadiləsi aparılıb.

Azərbaycana səfərindən məmnunluğunu ifadə edən general R.Aşer hər iki ölkənin Silahlı Qüvvələri arasında əməkdaşlığın inkişaf etdirilməsi üçün geniş potensialın olduğunu bildirib.

ABŞ nümayəndə heyətinin səfəri iyulun 16-dək davam edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi