Zakir Həsənov ön xətdə yerləşən bölmələrdə müdafiənin təşkilini yoxlayıb

Zakir Həsənov ön xətdə yerləşən bölmələrdə müdafiənin təşkilini yoxlayıb Nazir səngərlərdə döyüş növbəsi çəkən şəxsi heyəti bayram münasibətilə təbrik edib
Hərbi
182
24 Mart , 2017 13:46
Zakir Həsənov ön xətdə yerləşən bölmələrdə müdafiənin təşkilini yoxlayıb

Bakı. 24 mart. REPORT.AZ/ Düşmənlə təmas xəttində yerləşən hərbi hissələrə davam edən səfəri zamanı Müdafiə nazirliyinin rəhbərliyi bilavasitə ön xətdə yerləşən bölmələrdə müdafiənin təşkilini yoxlayıb.

Bu barədə “Report”a Azərbaycan Müdafiə Nazirliyindən məlumat verilib.

Bölmələrdən birində komanda müşahidə məntəqəsinə baş çəkən müdafiə naziri general-polkovnik Zakir Həsənova müasir qurğuların tətbiqi ilə qarşı tərəfi daimi və fasiləsiz müşahidə edən sistemin fəaliyyəti, onun atəş sistemi ilə əlaqəsi, eləcə də istehkam maneələrinin təkmilləşdirilməsi barədə məruzə edilib.

Səngərlərdə döyüş növbəsi çəkən şəxsi heyəti bayram münasibətilə təbrik edən nazir, hərbi qulluqçuların vətənə, xalqa, dövlətə sədaqətlə xidmət etmələrinin müqəddəs borc olduğunu xatırladaraq, onlara işğal edilmiş torpaqlarımızın azad edilməsi uğrunda hər an döyüşə hazır olmalarını bildirib.

Son xəbərlər

Orphus sistemi