Azərbaycanın istehsal etdiyi silahlar hərbi attaşelərə nümayiş olunub

Azərbaycanın istehsal etdiyi silahlar hərbi attaşelərə nümayiş olunub Hərbi attaşelərə müəssisənin fəaliyyəti v
Hərbi
1130
11 Mart , 2022 17:42
Azərbaycanın istehsal etdiyi silahlar hərbi attaşelərə nümayiş olunub

Müdafiə nazirinin təsdiq etdiyi illik fəaliyyət planına əsasən, xarici ölkələrin Azərbaycanda akkreditə olunmuş hərbi attaşeləri Müdafiə Sənayesi Nazirliyinin “İqlim” Elmi İstehsalat müəssisəsini ziyarət ediblər.

Bu barədə "Report"a Müdafiə Nazirliyindən bildirilib.

Hərbi attaşelərə müəssisənin fəaliyyəti və istehsal olunan atıcı silahlarla bağlı ətraflı məlumat verilib.

Nümayəndələr müəssisədə istehsal olunan hərbi təyinatlı məmulatların hazırlanma prosesini izləyiblər.

Bildirilib ki, müəssisədə istehsal olunan atıcı silahlar beynəlxalq sərgilərdə nümayiş etdirilməklə yanaşı, ixracı da həyata keçirilir.

Qonaqlar burada, həmçinin istehsal olunan hərbi təyinatlı məmulatlarla bağlı sərgiylə tanış olublar.

Hərbi attaşelər ziyarətin yüksək səviyyədə təşkilinə görə Müdafiə Nazirliyinin rəhbərliyinə minnətdarlıqlarını bildiriblər.

Sonda xatirə şəkili çəkdirilib.

Son xəbərlər

Orphus sistemi