“Dəniz kuboku” müsabiqəsinin bağlanış mərasimi keçirilib

“Dəniz kuboku” müsabiqəsinin bağlanış mərasimi keçirilib “Beynəlxalq Ordu Oyunları - 2021” yarışları çərçivəsində keçirilən "Dəniz kuboku" müsabiqəsi başa çatıb.
Hərbi
154
3 Sentyabr , 2021 21:15
“Dəniz kuboku” müsabiqəsinin bağlanış mərasimi keçirilib

“Beynəlxalq Ordu Oyunları - 2021” yarışları çərçivəsində keçirilən "Dəniz kuboku" müsabiqəsi başa çatıb.

Bu barədə "Report" Müdafiə Nazirliyinə istinadən xəbər verir.

Sentyabrın 3-də İran İslam Respublikasının Ənzəli şəhərində müsabiqənin bağlanış mərasimi keçirilib.

Tədbirdə iştirakçı ölkələrin nümayəndə heyətlərinin rəhbərləri, Azərbaycan Respublikasının İran İslam Respublikasındakı hərbi attaşesi polkovnik Elvin Qasımov, o cümlədən digər ölkələrin hərbi attaşeləri, hakimlər komissiyasının üzvləri və kütləvi informasiya vasitələrinin nümayəndələri iştirak ediblər.

Bağlanış mərasimində qalib komandalara kubok, medallar və qiymətli hədiyyələr təqdim olunub.

Müsabiqənin üç mərhələsi üzrə yekun nəticələrinə əsasən İran komandası birinci, Rusiya komandası ikinci, Azərbaycan və Qazaxıstan komandaları isə üçüncü yerdə qərarlaşıb.

Son xəbərlər

Orphus sistemi