Zərdabda yanğın hadisə baş verib.
”Report”un Yuxarı Şirvan bürosu xəbər verir ki, rayonda ümumi sahəsi 288 m² olan tövlənin dam örtüyünün yanar konstruksiyaları 70 m² sahədə və damına yığılan 14 ton ot bağlamasının 7 tonu yanıb.
Tövlənin və ot bağlamalarının qalan hissəsi yanğından mühafizə olunub.
Hadisə yerinə Zərdab rayon dövlət yanğından mühafizə idarəsinin texnikası və canlı qüvvəsi cəlb olunub. Yanğın söndürülüb.
Faktla bağlı araşdırma aparılır.