Zərdabda polis qaydaları pozan sürücülərə qarşı reyd keçirib

Zərdabda polis avtonəqliyyat vasitələrinə qarşı reyd keçirib, qaydaları pozan sürücülər inzibati qaydada cərimə olunublar.

“Report”un Yuxarı Şirvan bürosu xəbər verir ki, Zərdab rayon Polis Şöbəsinin Dövlət Yol Polisi Bölməsinin əməkdaşları tərəfindən reydlərin keçirilməsində məqsəd ətraf mühitin mühafizəsi və təbii ehtiyatlardan səmərəli istifadə edilməsi sahəsində nəzarətin gücləndirilməsindən, eləcə də qabaqcadan baş verə biləcək hadisələrin qarşısını almaq, sürücüləri maarifləndirmək məqsədi daşıyır.

Reyd zamanı avtomobilinin mühərriki normadan artıq zərərli qaz ixrac edən, avtomobilin texniki baxışdan keçirməyən, nəqliyyat vasitəsinə əlavə konstruksiya əlavə edən, eləcə də rayon ərazisində yol nişanlarına məhəl qoymayan sürücülər də aşkar olunub. Onların hər biri barəsində İnzibati Xətalar Məcəlləsinin müvafiq bəndinə əsasən protokollar tətbiq olunub və cərimələr yazılıb.