Zaqatalada mənzil əşyaları ilə birlikdə yanıb

Bakı. 24 yanvar. REPORT.AZ/ Bu gün Zaqatalada yanğın hadisəsi baş verib. Bu barədə "Report" Fövqəladə Hallar Nazirliyinin (FHN) saytına istinadən xəbər verir.

Məlumata görə, Zaqatala rayonu, Maqov kəndində (rayon mərkəzindən 10 km aralı) ümumi sahəsi 400 kv.m olan inzibati binanın bir otağının tavanı, içərisindəki əşyalar 20 kv.m sahədə və dam örtüyünün yanar konstruksiyaları 40 kv.m sahədə yanıb. 

İnzibati binanın qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.