Zaqatalada küçələrin işıqlandırılmasında istifadə edilən 450 metr naqil oğurlanıb

Bakı. 20 sentyabr. REPORT.AZ/ Zaqatala Rayon Polis Şöbəsinə (RPŞ) sentyabrın 5-dən 17-dək olan müddətdə şəhər ərazisində küçələrin işıqlandırılmasında istifadə edilən 450 metr elektrik naqilinin kəsilərək oğurlanması barədə müraciət daxil olub.

Daxili İşlər Nazirliyinin (DİN) mətbuat xidmətindən “Report”a bildirilib ki, dərhal polis əməkdaşları tərəfindən əməliyyat-axtarış tədbirlərinə başlanılıb və oğurluğu törətməkdə şübhəli bilinən 2 nəfər saxlanılıb. Araşdırmalarla onların şəhər sakinləri Cavidan Süleymanov və Rövşən Cavadlı olduqları müəyyən edilib. RPŞ-də araşdırma aparılır.