Yuxarı

Yüksək Texnologiyalar Parkında quldurluq olub

Faktla bağlı araşdırma aparılır

Bakı. 22 avqust. REPORT.AZ/ Yüksək Texnologiyalar Parkının ərazisindən inşaat materialları oğurlayan şəxslər tutulub.

"Report"un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.

Məlumata görə, Pirallahı qəsəbəsində Yüksək Texnologiyalar Parkının ərazisindən naməlum şəxslər "Mercedes" markalı avtomobildə inşaat materialları oğurlayıb apararkən orada briqadir işləyən Ağstafa rayon sakini Şamxal Bayramov "VAZ-2107" markalı avtomobillə onların qarşısını kəsib. Lakin onlar avtomobili vuraraq hadisə yerini tərk ediblər.

Pirallahı Rayon Polis Şöbəsi (RPŞ) əməkdaşlarının həyata keçirdikləri əməliyyat-axtarış tədbirləri ilə hadisəni törədən Elməddin Hüseynov, Şəhriyar Cavadov və Tacı Əmrullayev tutulub.

E.Hüseynovun Rusiya Federasiyası Cinayət Məcəlləsinin 162-ci (quldurluq) maddəsi ilə axtarışda olması da müəyyən edilib.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi