Yevlaxda zəncirvari yol qəzası olub, yaralılar var - FOTO - VİDEO - YENİLƏNİB

Yevlax. 11 iyun. REPORT.AZ/ Yevlaxda baş verən yol qəzasında yaralanan şəxslərin adları məlum olub. 

"Report"un Şirvan bürosu xəbər verir ki, hadisə nəticəsində Hacıyev Tural Məzahir oğlu və Qasımov Nəriman Ərzuman oğlu xəsarət alıblar.  

*** 11:03

Yevlax rayonunda zəncirvari yol qəzası baş verib.

"Report"un Şirvan bürosu xəbər verir ki, hadisə Mingəçevir-Xaldan avtomobil yolunun rayonun Hacıselli kəndi ərazisindən keçən hissəsində baş verib.

Belə ki, “VAZ -21011”, ”VAZ -21015” markalı avtomobillər “QAZel” markalı yük maşını ilə toqquşub. Hadisə nəticəsində 3 nəfərin ağır bədən xəsarətləri aldığı bildirilir.  Yaralılar xəstəxanaya çatdırılıblar.

Faktla bağlı araşdırma aparılır.