Yevlax. 17 fevral. REPORT.AZ/ Yevlax rayonunda baş verən ağır yol-nəqliyyat hadisəsi zamanı xəsarət alan bir ailənin üç üzvünün kimliyi məlum olub.
"Report"un Qərb bürosu xəbər verir ki, Goranboy rayon sakini, 1970-ci il təvəllüdlü Valeh Qərib oğlu Əliyevin idarə etdiyi "VAZ-2106" markalı avtomobillə "Mercedes" markalı avtomobil toqquşub. Nəticədə "VAZ-2106" markalı avtomobilin sürücüsü və onun sərnişinləri - arvadı, 1968-ci il təvəllüdlü Hicran Əvəz qızı Əliyeva, bacısı, 1958-ci il təvəllüdlü Xanımzər Qərib qızı Əliyeva müxtəlif dərəcəli bədən xəsarətləri alaraq xəstəxanaya yerləşdiriliblər.
Vəziyyətlərinin orta-ağır olduğu bildirilib. "Mercedes" markalı avtomobildə xəsarət alan olmayıb.
Faktla bağlı araşdırma aparılır.
***13:46
Yevlax. 17 fevral. REPORT.AZ/ Yevlax rayonunda ağır yol-nəqliyyat hadisəsi baş verib.
"Report"un Qərb bürosunun məlumatına görə, hadisə rayonun Aran qəsəbəsində qeydə alınıb.
Belə ki, "VAZ-2106" markalı avtomobillə "Mercedes" markalı avtomobil toqquşub. Nəticədə "VAZ"ın sürücüsü və avtomobildə olan sərnişinlər xəsarət alıb. Yaralılar Yevlax Rayon Mərkəzi Xəstəxanasına yerləşdirilib.