Yevlax. 13 yanvar. REPORT.AZ/ Yevlax rayonunda yol-nəqliyyat hadisəsi baş verib.
"Report"un Qarabağ bürosunun məlumatına görə, Yevlax-Bərdə avtomobil yolunda qeydə alınan qəzada 1 nəfər ölüb, 2 nəfər yaralanıb.
Belə ki, "VAZ-2107" markalı avtomobillə "Mercedes" markalı avtomobil toqquşub. Nəticədə hər iki avtomobilin sürücüsü ağır bədən xəsarətələri alıb. "VAZ-2107"də olan sərnişin isə hadisə yerində ölüb.
Yaralılar Bərdə Rayon Mərkəzi Xəstəxanasına (RMX) yerləşdiriliblər.
Qeyd edək ki, qəzada ölən və yaralananların şəxsiyyəti hələlik məlum deyil.
Faktla bağlı araşdırmalara başlanılıb.