Yevlax rayonunda baş verən ağır yol-nəqliyyat hadisəsi zamanı xəsarət alan ata və oğulun adları məlum olub.
"Report"un yerli bürosu xəbər verir ki, hadisə zamanı Samux rayon sakinləri - 1982-ci il təvəllüdlü Elşad Dadaşov və onun oğlu, 2009-cu il təvəllüdlü Ayxan Dadaşzadə müxtəlif dərəcəli bədən xəsarəti alıblar. Hər iki yaralı Mingəçevir Şəhər Mərkəzi Xəstəxanasına yerləşdirilib. Onlardan birinin vəziyyətinin qənaətbəxş, digərinin vəziyyətinin isə kafi olduğu bildirilir.
Faktla bağlı araşdırma aparılır.
*** 07:38
Yevlax rayonunda ağır yol-nəqliyyat hadisəsi baş verib.
"Report"un məlumatına görə, hadisə rayonun Xanabad kəndi ərazisində qeydə alnıb.
Belə ki, hərəkətdə olan "VAZ-2107" markalı avtomobilin sürücüsü idarəetməni itirərək avtomobili qarşıdan gələn yük maşınına çırpıb.
Qəza nəticəsində ata və oğulun ağır bədən xəsarət aldığı bildirilir.
Hadisə yerinə hüquq-mühafizə orqanlarının əməkdaşları və Təcili Tibbi yardım Stansiyasının həkim briqadası cəlb olunub. Yaralılar xəstəxanaya çatdırılıb.