Yevlaxda sürücü avtomobili aşırıb, sərnişin ölüb

Yevlax. 7 sentyabr. REPORT.AZ/ Yevlax rayonunda yol qəzası baş verib. 

"Report"un Qərb bürosunun verdiyi məlumata görə, sentyabrın 5-də saat 1 radələrində Yevlax rayonu ərazisində Meyvəli kənd sakini Səməndər Heydərov idarə etdiyi “VAZ-21214” markalı avtomobili aşırıb. 

Nəticədə xəstəxanaya yerləşdirilmiş S.Heydərovun sərnişini, həmkəndlisi Sadıx Heydərov sentyabrın 6-da orada ölüb.

Faktla bağlı Baş İstintaq və Təhqiqat İdarəsi tərəfindən araşdırma aparılır.