Yuxarı

Yevlaxda qaz balonunun partlaması yaşayış evini kül edib

İki avtomobilin və canlı qüvvənin köməkliyi ilə alov söndürülüb

Bakı. 2 iyul. REPORT.AZ/ Yevlaxda fərdi yaşayış evi yanıb. "Report" xəbər verir ki, hadisə rayonun Cahangir Kərimov küçəsində baş verib.

Rayon sakini Sarıtel Abbasovaya məxsus yaşayış evində baş verən yanğına səbəb məişətdə işlədilən qaz balonunun partlaması olub. Hadisə zamanı fərdi yaşayış evinin mətbəxlə bərabər 4 otağı əşyaları ilə birlikdə yanaraq kül olub.

Yanğını söndürmək üçün ilk olaraq qonşular müdaxilə edib. Köməyə gələn ev sahibinin yaxını Rauf Cabbarov isə evi söndürmək istəyərkən xəsarət alıb. Müxtəlif dərəcəli yanıq xəsarəti alan 26 yaşlı gənc Yevlax Rayon Mərkəzi Xəstəxanasına çatdırılıb.

Hadisə yerinə Fövqəladə Hallar Nazirliyinin Yevlax Yanğından Mühafizə Hissəsinin əməkdaşları çağırılıb. İki avtomobilin və canlı qüvvənin köməkliyi ilə alov söndürülüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi