Yevlax. 22 yanvar. REPORT.AZ/ Yevlax rayonunda yolu keçmək istəyən qadın piyadanı maşın vurub.
"Report"un yerli bürosunun məlumatına görə, hadisə rayonun Aran qəsəbəsində qeydə alınıb. 1969-cu il təvəllüdlü Ruhəngiz Mahmud qızı Məmmədovanı avtomobil vurub. Yaralı xəstəxanaya yerləşdirilib, vəziyyətinin orta-ağır olduğu bildirilir.
Hadisə zamanı digər bir qadın qəzanın şokuna düşüb. Həmin qadına da tibbi yardım göstərilib.
Faktla bağlı araşdırma aparılır.