Yuxarı

Yevlaxda atın və sahibinin ölümünə səbəb olan sürücünün məhkəməsi başlayır

​Yevlaxda atın və sahibinin ölümünə səbəb olan sürücünün məhkəməsi

Yevlax rayonunda ölümlə nəticələnən yol-nəqliyyat hadisəsi törətməkdə təqsirləndirilən Qalib Abbasovun cinayət işi üzrə ibtidai istintaq başa çatıb.

“Report”un xəbərinə görə, cinayət işi baxılması üçün Yevlax Rayon Məhkəməsinə göndərilib. Hakim Toğrul Əliyevin icraatında olan iş üzrə hazırlıq iclası yanvarın 22-də keçiriləcək.

Qeyd edək ki, hadisə bu ilin aprel ayında Bakı-Qazax yolunun Yevlax rayonu ərazisindən keçən hissəsində baş verib. Yevlax istiqamətində hərəkətdə olan "Mercedes" markalı avtomobil yolun kənarı ilə atla gedən rayon sakinini vurub.

Hadisə nəticəsində at ölüb, sahibi, Yevlax rayon sakini, 1968-ci il təvəllüdlü Nağıyev Azad Nağı oğlu ağır kəllə-beyin travması və bədənin müxtəlif nahiyələrinin sınığı ilə xəstəxanaya yerləşdirilib. Zərərçəkmiş sonradan dünyasını dəyişib.

Q.Abbasova Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi