Yevlaxda 72 yaşlı qadın nərdivandan yıxılıb

Yevlax. 13 iyun. REPORT.AZ/ Yevlax rayonunda 72 yaşlı qadın nərdivandan yıxılıb. 

“Report”un Şirvan bürosunun verdiyi məlumata görə, hadisə rayonun Havarlı kəndində baş verib. 

Belə ki, 1946-cı il təvəllüdlü kənd sakini Tamara Talıb qızı Salmanova yaşadığı həyətdə dəmir nərdivana dırmaşarkən hündürlükdən düşərək qolundan yaralanıb. Yaralı Yevlax Rayon Mərkəzi Xəstəxanasına çatdırılıb və əməliyyat olunub. Onun vəziyyətinin sabit olduğu bildirilir.