Bakı. 29 may. REPORT.AZ/ Bakının Yasamal rayonunun Yeni Yasamal qəsəbəsində 1 nəfərin xəsarət alması ilə nəticələnən yol-nəqliyyat hadisəsi baş verib.
"Report" xəbər verir ki, hadisə "Kamaz" markalı yük maşınının idarəetməni itirərək "Mercedes" markalı minik avtomobilinə çırpılması nəticəsində qeydə alınıb.
Qəza zamanı "Mercedes"in sürücüsü, 1973-cü il təvəllüdlü Rüstəmov Mahir Ağabala oğlu xəsarət alaraq xəstəxanaya yerləşdirilib.
Faktla bağlı Yol Patrul Xidmətində araşdırma aparılır.