Yuxarı
    Bağlamaq

    Yasamalda qətl törədən şəxs tutulub

    Bu barədə rəsmi məlumat yayılıb

    Bakı. 3 noyabr. REPORT.AZ/ Bakı Şəhər Baş Polis İdarəsi (BPİ) Yasamal rayonunda baş verən kütləvi dava ilə bağlı rəsmi məlumat yayıb. İdarənin mətbuat xidmətindən "Report"a daxil olan məlumatda bildirilib ki, noyabrın 1-də saat 02:40 radələrində, Yasamal rayonu M.Həsənov küçəsində baş vermiş münaqişə zamanı Bakı şəhər sakinləri - Rəsul Süleymanov ürək nahiyəsindən aldığı bıçaq xəsarətindən xəstəxanaya aparılarkən yolda ölüb, Tofiq Mehdiyev kürək nahiyəsinin daxilə nüfuz edən xəsarətlə xəstəxanaya daxil olub. Münaqişənin digər iştirakçıları Şirvan şəhər sakinləri - Sakit Qasımzadə və qardaşı Səfər Qasımzadə əl nahiyələrinin kəsilmiş xəsarətləri ilə Travmatologiya institutuna yerləşdirilib. Yasamal Rayon Polis İdarəsi Cinayət Axtarış Şöbəsi, Narkotiklə Mübarizə Bölməsi və 29-cu Polis Bölməsinin keçirdiyi əməliyyat–axtarış tədbirləri nəticəsində, hadisənin törədilməsində şübhəli bilinən Elvin Əhmədli tutulub. Əməliyyat tədbirləri nəticəsində, R.Suleymanovu qətlə yetirən və T.Mehdiyevə xəsarət yetirən Bakı şəhər sakini Sənan Zeynalov da müəyyən olunaraq saxlanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi