Yasamalda avtomobil piyadanı vuraraq xəsarət yetirib

Yasamal rayonunda piyadanın vurulması ilə nəticələnən yol qəzası baş verib.

"Report" xəbər verir ki, hadisə Badamdar qəsəbəsində, "Qurd qapısı" restoranının yaxınlığında qeydə alınıb.

1998-ci il təvəllüdlü Babayeva Nərminə İlqar qızı yolu keçərkən onu avtomobil vurub. Yaralı 1 saylı Kliniki Tibbi Mərkəzə çatdırılıb. Ona sol baldırın və belin yumşaq toxumalarının əziyi diaqnozu qoyulub, yaralı ambulator müalicəyə buraxılıb.