Yasamal rayonunda ahıl kişini avtomobil vurdu

Bakıda piyadanın xəsarət alması ilə nəticələnən yol-nəqliyyat hadisəsi olub.

"Report" xəbər verir ki, hadisə Yasamal rayonunda qeydə alınıb.

“İnşaatçılar” metrostansiyasının 1954-cü il təvəllüdlü Əzimov Rauf Sultan oğlu yolu keçmək istəyərkən avtomobil onu vurub.

Yaralı təcili tibbi yardım briqadasının köməkliyi ilə xəstəxanaya çatdırılıb. Ona sol əlin əzilmiş-didilmiş, üzün sıyrılmış yarası və təpə nahiyəsinin hematoması diaqnozları qoyulub.