Yardımlı sakininin avtomobilindən narkotik götürüldü

Yardımlı rayon sakinində narkotik vasitə aşkarlanıb.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, Cəlilabad Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Yardımlı rayon sakini İ.Mirişov saxlanılıb.

Şəxsi axtarış zamanı ondan 5 qrama yaxın heroin, idarə etdiyi “VAZ-2121” markalı avtomobilə baxış zamanı isə əlavə 52 qramdan artıq heroin, metamfetamin və marixuana aşkar edilərək götürülüb.