Xırdalanda yaşayış binasında yanğın olub, sakinlər təxliyyə edilib

Bakı. 20 may. REPORT.AZ/ Abşeron rayonu, Xırdalan şəhərində altımərtəbəli yaşayış binasında yanğın olub.

"Report" FHN-in saytına istinadən xəbər verir ki, binanın 2-ci mərtəbəsinin dəhlizində quraşdırılmış 36 ədəd elektrik sayğac və 2 p.m elektrik kabeli yanıb.

Yanğın zamanı yanğınsöndürənlər tərəfindən 20 nəfər bina sakini təxliyyə olunub. Sayğacların qalan hissəsi və mənzillər yanğından mühafizə olunub. Yanğın yanğın bölmələri tərəfindən söndürülüb.