Xırdalanda 5 yaşlı uşaq 6-cı mərtəbədən yıxılaraq ağır xəsarət alıb

Abşeron rayonunda bədbəxt hadisə baş verib.

“Report”un məlumatına görə, hadisə Xırdalan şəhərində qeydə alınıb. Belə ki, 2014-cü il təvəllüdlü Nabat Xədicə Xəyyam qızı yaşadığı mənzilin eyvanından yerə yıxılıb.

Altıncı mərtəbədən düşən uşaq təcili tibbi yardımın köməkliyi ilə xəstəxanaya çatdırılıb. Ona bədənin müştərək travması və çoxsaylı sınıqlar diaqnozu qoyulub. Vəziyyəti ağır olduğundan reanimasiya şöbəsinə yerləşdirilib.

Ramin Şahbazov