Yuxarı

Xəzərin Türkmənistan sektorunda meyiti tapılan neftçi dəfn olunub

Dəfn mərasimində mərhumun ailə üzvləri, yaxınları, həmçinin Azneftin rəhbərliyi və SOCAR-ın digər nümayəndələri iştirak edib

Bakı. 28 dekabr. REPORT.AZ/ "Günəşli" yatağındakı 10 saylı dərin dəniz özülündə baş verən qəza nəticəsində itkin düşən və meyiti ötən gün tapılan neftçi İman Qasımov Lökbatan qəbirstanlığında dəfn olunub. "Report"un müxbiri xəbər verir ki, dəfn mərasimində mərhumun ailə üzvləri, yaxınları, həmçinin "Azneft"in rəhbərliyi və SOCAR-ın digər nümayəndələri iştirak edib. Mərasimə Qaradağ Rayon İcra Hakimiyyətinin başçısı Süleyman Mikayılov da qatılıb.

Xatırladaq ki, neftçinin meyiti dekabrın 27-də Xəzər dənizinin Türkmənistan sektorunda aşkar edilmişdi. Hazırda itkin düşən 22 neftçinin axtarışı davam edir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi