Yuxarı
    Bağlamaq

    Xəzərdə meyiti tapılan balıqçının adı məlum olub - YENİLƏNİB - FOTO - VİDEO

    Meyiti tapılan balıqçı Xaçmaz rayonunun Tikanoba kənd sakini Həmzə Nurəddinovdur

    Bakı. 5 noyabr. REPORT.AZ/ Xəzərin Xaçmaz rayonu ərazisində itkin düşən və bu gün səhər saatlarında meyiti tapılan balıqçının şəxsiyyəti müəyyənləşib. 

    "Report"un hadisə yerində olan əməkdaşı xəbər verir ki, meyiti tapılan balıqçı Xaçmaz rayonunun Tikanoba kənd sakini Həmzə Nurəddinovdur. 

    Onun meyiti Şabran rayonunun Çayqaraqaşlı kəndinin ərazisində tapılıb. 

    *** 10:21

    Xəzərdə itkin düşən balıqçılardan birinin meyiti tapılıb. "Report"un məlumatına görə, bu gün səhər saatlarından başlayaraq  balıqçıların axtarşlarına helikopter cəlb olunub. Axtarışlar zamanı balıqçılardan birinin meyiti tapılıb. Hələlik adı məlum olmayan balıqçı balıq toruna ilişib. Balıqçının meyiti Xaçmazın Niyazabad kəndindən 6 kilometr aralıda tapılıb. Həmçinin axtarışlar zamanı itkin düşən balıqçılara məxsus gödəkcə və batan qayıq sudan çıxarılıb. 

    Xatırladaq ki, ötən gün səhər saatlarında  Xəzər dənizinin Xaçmaz rayonu Niyazabad kəndinə yaxın ərazisində balıqçı qayığı batıb. Havanın küləkli olması səbəbindən batan qayıqda olan üç nəfər - Xaçmaz rayonunun Tikanoba kənd sakinləri Həmzə Nurəddinov, Laçın Laçınov və Uzunoba kənd sakini İlqar Daşdəmirov itkin düşüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi