Bakı. 23 aprel. REPORT.AZ/ Xəzər dənizində yanan tankerdə olan 18 nəfərin hamısı evakuasiya edilib. Təxliyə prosesini yaxınlıqdan keçən gəmi icra edib.
"Report" "RİA Novosti"yə istinadən xəbər verir ki, bu barədə məlumatı Rusiya FHN-in Cənub Regional Mərkəzinin nümayəndəsi çatdırıb.
Onun sözlərinə görə, hazır olan kimi Rostovda yerləşən FHN-in aviasiya-xilasedici mərkəzindən "Be-200" təyyarəsi olay yerinə yönləndiriləcək.
Qeyd edək ki, daha əvvəl FHN-dəki mənbə "RİA Novosti"yə yanğın zamanı bir nəfərin həyatını itirdiyini bildirib.
Xatırldaq ki, hadisə Xəzər dənizində Türkmənistanın ərazi sularında, Həştərxandan təxminən 800 kilometrlik məsafədə baş verib.