Yuxarı

Xəzər dənizində naməlum kişi meyiti aşkarlanıb

Xəzər dənizində naməlum kişi meyiti aşkarlanıb
Meyit bir müddət suda qaldığından tanınmaz hala düşüb

Bakı. 9 dekabr. REPORT.AZ/ Xəzər dənizinin Azərbaycan sektorunda təqribən 40-45 yaşlı naməlum kişi meyiti aşkarlanıb.

"Report"un xəbərinə görə, hadisə Bakı şəhəri, Sabunçu rayonunun Bilgəh qəsəbəsində qeydə alınıb.

Belə ki, Bilgəh çimərliyi ərazisində dənizdə 40-45 yaşlarında olan kişinin meyiti aşkarlanıb. Hüquq-mühafizə orqanlarının əməkdaşları meyiti Məhkəmə Tibbi Ekspertiza və Patoloji Anatomiya Birliyinin Sabunçu rayon şöbəsinə təhvil veriblər. Meyit bir müddət suda qaldığından üzü tanınmaz hala düşüb.

Onun üzərində zorakılıq əlamətləri müşahidə edilməyib.

Faktla bağlı Sabunçu Rayon Prokurorluğunda araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi